Omimvo konyala hamano okuza sho ka hupu moshiningwanima shedipao linyanyaleka ndjoka lya faalele oomwenyo ndatu dhaakwanezimo noku ka thiga nokugulu kumwe, okanona Rejoice Gift Petrus oke li monkalo ondhigu molwa shoka iha ka ende.
Petrus okwa li e na omimvo mbali sho hekulu Sam Nauyoma Petrus (a li e na ommivo 26 pethimbo lyoshininganima) ngoka a valwa nayina a ponokeke nokudhipaga aanegumbo yaandjawo mwa kwatelwa yina, mumwayi gwomumati, omutekulu gwe eta monitha oshiponga Petrus.
Okuza mpoka okwa dhipaga okambwa e ta yi koshinyongo e ta dhipaga iikombo iheyali.
Iilonga ayihe mbyoka okwa li e yi longo nekatana pomukunda Okatope moshitopolwa shaHangwena.
Petrus ngoka ngashingeyi e na omimvo heyali paife iha vulu okweenda nokupopya sho kwali a hahalwa momutse noku tetwa okugulu noonyala.
Simon Kondjashili “Mapeni Protocol opamwe noosesta yongeleka yaCatholic mboka ya kala noku yambindhindha okanona hoka omanga kel i moshipangelo sigo taka zimo oya ti, Petrus ngashiingeyi okuli momake gaashinda.
“Okanona hoka otaka tekulwa ashike puushinda, oshoka egumbo lyawo olya pata, yina ngoka a hupu ko opamwe nomumwayina kandhona gumwe ihaya kala po kegumbo oshoka oyuuvite kutya kegumbo ka kuna ombepo ombwaanawa,” ta hokolola ngaaka.
Kondjashili okwa hokolola kutya paife okanona oka taalela onkalo ondhigu, oshoka ohaka kala ka hala okukandhana pamwe nayakwawo, ashike ohashi kwata ethimbo okuthika puushinda.
Ta ti, Petrus oha galangata opo a thike kaanona aakwawo.
“Ohashi mu pula ominute dhaadha po20 okuthika puushinda oshoka ita vulu okweenda, oha kala ashike momapya moka tapi komutenya, tiidhidhimike opo a thike ku yakwawo,” ta hokololo newi lya yemata.
Ta indile moshigwana ngele opena ngoka ta vulu okuyambindhindha okanzigona kaKalunga, opo ka vule wo okwiinyenga okuya mpeya naampeya.
Kondjashili okwa ti Petrus iha popi ihe shoka osha e twa koshiponga shoka.
“Onda tseyithila uuministeli wuukashike kookantu mboka wali ningi omakonaakono ihe owa kwashilipaleke kutya Petrus ota vulu okuenda nokupopya uuna pena omayambindhindho ngoka ta pumbwa,” ta ti ngaaka.Okwa popi kutya otaya hiya kehe ngoka ta vulu okuyamindindha na kehe shimwe okutameka kiikutu, iinguma, iikulya okatemba na kehe shimwe taya vulu okuyambindhidha na sho.Ta gwedha po kutya momasiku 28 gaJuni nuumvo oya hala oku ka gandja shoka ya gongela po tashi nigilwa kOkongo.