ONGWEDIVA- Kakukutu kopolifi Inspector General Joseph Shikongo okwa yandja omahekeleko kofamili yaEliud Hamukwaya ou vati a dipaelwa komupolifi peinda lopOnhuno oshivike sha djako. 

Hamukwaya weedula 38 okwa ya shelwa mololi nokuxulifila poshipundi. Omufekelwa Sergeant Dimbulukeveni Namhila weedula 43 okwa a nyenwa omhito yokulifutila mo modolongo pefimbo a holoka momhangu yaHangwena Etivali. 

Oshibofa osha undulilwa komafiku 3 Juni 2025. 

Oshiwana okwa li sha kumwifwa koshikumungu eshi pefimbo sha lotokela peinda lopolifi okutala oshiponga. 

Shikongo okwa ti ombelewa yaye otai yandje omahekeleko molwoshiningwanima eshi shedipawo. 

Okwa ti oshiwana na shi kale sha ngungumana fiyo omakonakono taa pu okuningwa. 

“Opolifi oya tameke okuninga omakonakono omoule,” ta ti. 

Okwa kumaida oshiwana opo shi xulife po okupopya omahokololo oipupulu molwashi ota shi pukifa ovanhu noku ya omakonakono opolifi moshipala. 

Shikongo okwa ti shiwana na shi kale tashi lopota pefimbo ngeenge sha mona omupolifi ite li umbata nawa.